Saga

Markaðssetning þjónustu, Case 2.

Disney MagicBand er fjölnota tæki (e. all-in-one device) sem á að tengja notandann við alla þá möguleika sem Disney býður uppá hvort sem það er sem lykill að Disney hótel herberginu þínu eða notað til þess að greiða fyrir vörur í garðinum. Það þægilegasta við bandið er væntanlega að þú ert með allt á einum stað, kreditkort, hótellykil, e-miða og svo framvegis. Einnig getur notandinn sótt um hrað aðgang að ákveðnum tækjum og upplifinum sem hlýtur að vera stór bónus. Það þekkja margir tilfinninguna um að verða að drífa sig sem mest til þess að ná að upplifa allt sem stendur til boða. Þessi hrað-passi veitir ákveðna ró, þar sem viðkomandi getur notið upplifunarinnar í stað þess að drífa sig á milli staða og bíða í löngum röðum.

Það sem "töfra bandið" býður líka upp á er að kortleggja notendann enn betur og veita því Disney aukna yfirsýn yfir neyslu gestanna. Hinsvegar getur notandinn kosið að vera undanþeginn þessari þjónustu auk þess að geta afþakkað öll markaðsskilaboð frá fyrirtækinu.

Tilgangur Disney með því að bjóða upp á MagicBand er því að gera alla upplifun þæginlegri og notendavænni fyrir viðskiptavininn. Disney lítur þó líklega á þetta sem góða leið til þess að auka tekjur sínar þar sem þeir segja að bandið auðveldi notendum að eyða. ("made it so easy to spend")

Spurningin er hinsvegar hvort viðskiptavinurinn vilji láta kortleggja sig svona ítarlega. Persónulega er ég ekki hrifin af því þegar fyrirtæki eru farin að hugsa fyrir viðskiptavininn og bjóða ítrekað upp á vörur sem viðkomandi hefur keypt áður eða skoðað á netinu. Mér finnst til að mynda afar fráhrindandi þegar ég hef verið að skoða einhverja vöru á netinu, og tíu mínútum síðar er varan farin að poppa upp sem auglýsing á facebook.

Ég get ímyndað mér að of mikil kortlagning geti komið illa við viðskiptavini Disney en á móti  eru þægindi "töfra bandsins" mjög mikil auk þess sem miklar öryggiskröfur eru gerðar til dæmis ef bandið týnist eða er stolið. Einnig er hægt er að setja ákveðið þak á þá upphæð sem hægt er að kaupa fyrir með bandinu, sem hentar mjög vel þegar börn eru að nota böndin.